Sumqayıtda kənd təsərrüfatı yarmarkasınının başqa əraziyə köçürülməsi planlaşdırılır.
Bu barədə Lent.az-a danışan Sumqayıt Şəhər İcra Hakimiyyətinin mətbuat katibi Eyvaz Qocayev faktı təsdiqləyib. O bildirib ki, yaxın vaxtlarda yarmarkanın ərazisi dəyişdiriləcək:
“Yarmarka “Daş bazarı” yaxınlığında ayrılan yerə köçürüləcək. Köçürülməyə səbəb isə 42-ci məhəllədə nəqliyyatın hərəkətinin sıx olmasıdır”.
Bildirək ki, adıçəkilən yarmarka Sumqayıtda hər həftənin şənbə və bazar günləri keçirilir.
Xatırladaq ki, 2018-ci ilin noyabr ayında Sumqayıt şəhər 12-ci mikrorayon ərazisində fəaliyyət göstərən kənd təsərrüfatı məhsullarının satışı yarmarkası 42-ci məhəlləyə köçürülmüşdü. Buna səbəb isə yarmarkanın əvvəlki yerində satıcıların gigiyena qaydalarına əməl etməməsi və avtomobillərin süni tıxac yaratması göstərilmişdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
