[b]Bu kluba UEFA yarışlarında iştirak üçün LİSENZİYA VERİLMƏDİ[/b]
11 may 2019 14:38 (UTC +04:00)

[b]Bu kluba UEFA yarışlarında iştirak üçün LİSENZİYA VERİLMƏDİ[/b]

Bu gün AFFA-nın inzibati binasında Lisenziya Komissiyasının iclası keçirilib. AFFA-dan Lent.az-a berilən məlumata görə, iclasda 2019-2020-ci il mövsümündə UEFA-nın klub  və Premyer Liqa yarışlarında iştirak etmək üçün müraciət etmiş klubların sənədlərinə baxılıb.
 
AFFA-nın Lisenziya Komissiyası klubların lisenziyalaşdırılması üzrə qaydaların (Buraxılış 2018) 8-ci maddəsinə əsasən aparılmış müzakirələrdən sonra qərara alınıb ki, UEFA-nın klub yarışlarında iştirak etmək üçün "Qarabağ" FK, "Qəbələ" İK, "Neftçi" PFK, “Sumqayıt” FK, “Zirə” PFK, “Səbail PFK”-ya isenziya verilsin.
 
UEFA-nın klub yarışlarında iştirak etmək üçün “Keşlə” FK-ya lisensiya verilməyib.
 
 Premyer Liqa yarışlarında iştirak etmək üçün aşağıdakı klublara lisenziya verilib:
“Keşlə” FK, “Sabah” FK.
 
Aşağıdakı klublara isə Premyer Liqa yarışlarında iştirak etmək üçün lisenziya verilmətib:
 
“Kəpəz” PFK, “Ağsu” FK, MOİK FK, “Turan Tovuz” PFK, “Qaradağ-Lökbatan” FK, "Şüvəlan" PFK, “Zaqatala” FK.
 
Lisenziya iddiaçısı lisenziya verilməsindən imtina  haqqında bildiriş məktubu aldığı tarixindən etibarən 10 gün müddətində AFFA-nın Lisenziyalaşdırma üzrə Apellyasiya Komitəsinə apellyasiya şikayəti verə bilər.
 
Qeyd edək ki, UEFA-nın Klubların Lisenziyalaşdırılması və Maliyyə üzrə “Fair Play” qaydalarında əks olunmuş tələbə əsasən, UEFA-nın klub yarışlarında iştirak edən klublar müvafiq lisenziya əldə etməlidir. UEFA lisenziyasının alınması üçün klublar qaydalarda göstərilmiş bütün mütləq meyarlara cavab verməlidir. Qaydalardan biri “3 illik üzvlük qaydası” adlanır. Həmin qaydaya əsasən, lisenziya iddiaçısı lisenziyalaşdırma mövsümünün əvvəlində ən azı ardıcıl 3 il ərzində fəaliyyət göstərməli və daxili yarışlarda iştirak etməlidir.  Məlum olduğu kimi, “Səbail” PFK Topaz Premyer Liqasında iştirak edir və AFFA “UEFA-nın Klubların Lisenziyalaşdırılması və Maliyyə üzrə “Fair Play” qaydalarının tələblərinə uyğun olaraq, “Səbail” PFK ilə bağlı müstəsna prosedurun tətbiq olunması ilə bağlı UEFA-ya müraciət edib. UEFA müraciətin baxılması üçün  prosesə başlayaraq həm AFFA, həm də “Səbail” PFK tərəfindən müvafiq sənədlərin toplanmasını və vaxtında UEFA-ya təqdim olunmasını tələb etmişdi. UEFA təqdim olunmuş sənədləri araşdırdıqdan sonra müsbət qiymətləndirildiyini bildirib və yaxın günlərdə bununla bağlı  rəsmi cavabı AFFA-ya ünvanlayacaq.
 
Onu da bildirək ki, “UEFA-nın klub yarışlarında iştirak etmək üçün Azərbaycan Futbol Klublarının Lisenziyalaşdırılması üzrə qaydaların (Buraxılış 2018) 13-cü maddəsinə müvafiq olaraq, 2019-2020-ci il mövsümündə UEFA-nın klub yarışlarında iştirak etmək üçün lisenziya almış klublar avtomatik olaraq eyni mövsüm üçün Azərbaycan Premyer Liqa yarışlarında iştirak etmək üçün lisenziya almış hesab olunur.
# 1656
avatar

Oxşar yazılar