Rusiya Türkiyəni Su-57 döyüş qırıcıları ilə təmin etməyə hazırdır
04 may 2019 09:00 (UTC +04:00)

Rusiya Türkiyəni Su-57 döyüş qırıcıları ilə təmin etməyə hazırdır

“Rusiya Türkiyəyə beşinci nəsil Su-57 döyüş qırıcılarını tədarük etməyə hazırdır”.
 
ONA-nın "Anadolu" agentliyinə istinadən verdiyi məlumata görə, bunu Rusiyanın “Rostex” dövlət korporasiyasının baş direktoru Sergey Çemezov bildirib.
 
"Türkiyə tərəfi sözügedən Rusiya texnologiyasına maraq göstərərsə, böyük məmnuniyyətlə bu təklifi qəbul edərik. Digər texniki məsələlər gələcəkdə tərəflər arasında razılaşdırıla bilər ", - deyə Çemezov əlavə edib. 
 
Rusiya tərəfi artıq Su-57 qırıcılarının ixracını təsdiq edən sənədlərin hazır olduğunu açıqlayıb.
 
“Rostex”-in direktoru onu da bildirib ki, Rusiya tərəfi eyni zamanda hava müdafiə sahəsində əməkdaşlığın inkişaf etdirilməsində maraqlıdır. 
 
S.Çemezov əlavə edib ki, rəsmi Moskva Ankara ilə “C-500 Prometey” hava müdafiə sistemi layihəsi üzrə tərəfdaşlığı dəstəkləyir.
 
# 1102
avatar

Oxşar yazılar