Aprel ayı üzrə sosial müavinət və təqaüdlər artırılmış məbləğlərdə ödənilib
29 aprel 2019 14:43 (UTC +04:00)

Aprel ayı üzrə sosial müavinət və təqaüdlər artırılmış məbləğlərdə ödənilib

Aprel ayı üzrə sosial müavinət və təqaüdlər artırılmış məbləğlərdə ödənilib. Eyni zamanda, sosial müavinət alan müharibə veteranlarına yeni təsis olunmuş aylıq təqaüd (80 manat) da verilib. 
 
Bu barədə ONA-ya Əmək və Əhalinin Sosial Müdafiəsi Nazirliyindən (ƏƏSMN) bildirilib.
 
Aprelin 1-dən sosial müavinət və təqaüdlər artırılmaqla, Prezidentin yeni aylıq təqaüdləri təsis olunub. Əmək pensiyası alan I dərəcə əlilliyi olan şəxslər üçün 100 manat, onlara və həmçinin sağlamlıq imkanları məhdud uşaqlara qulluq edənlər üçün aylıq 50 manat, əmək pensiyası alan müharibə veteranları üçün aylıq 80 manat yeni təqaüdlərin verilməsi üçün isə normativ qaydaların layihəsi hazırlanaraq artıq təqdim edilib.
 
Qaydalar təsdiq edildikdən sonra həmin vətəndaşlardan sənədlər qəbul olunmaqla, onlara yeni təqaüdlərin təyin olunaraq gələn ayın sosial müavinət və ya pensiyaları ilə birgə verilməsi (aprel ayının da təqaüdü daxil olmaqla) təmin ediləcək.
# 865
avatar

Oxşar yazılar