Kişi orqanizmi üçün narkotikadan təhlükəli GÖZƏLLƏR

Dünya təbabət elminin başqa işi - gücü yoxmuş kimi gözəllərin insan, yəqin ki, daha çox kişi orqanizminə təsirini araşdırıb. Sən demə, lazım imiş, çünki araşdırma maraqlı bir faktı üzə çıxarıb.

Lent.az-ın Rusiya mətbuatına istinadən verdiyi xəbərə görə, ispan alimləri ortaya çıxarıblar ki, gözəl qadınlarla ünsiyyətdə olmaq kişilər üçün çox təhlükəlidir: hətta spirtli içkilərdən və narkotikadan da.

Gözəl qadınların əhatəsində olan kişi orqanizmində çoxlu sayda stress yaradan hormonlar baş qaldırır. Bu da həmin orqanizmdə maddələr mübadiləsinin pozulmasına, cinsi zəifliyə və ürəkdə problemlərin yaranmasına gətirib çıxarır.

Tədqiqat üçün kişi kollektivinə bir gözəl qadın işə götürülüb. Həmin qadınla yaxın məsafədə əyləşən kişilərdə dərhal stress yaradan hormonlar yüksəlib.

Qadın otaqdan çıxan kimi vəziyyət normallaşıb. Sübut olunub ki, gözəl qadının kişi cəmiyyətində beş dəqiqə olması kifayətdir ki, kişinin vəziyyəti paraşütlə tullanan kəsin yaşadığı stressə bərabər olsun.

London akademiyasının professoru Satoşi Kanazava isə sübut edib ki, gözəl, üstəgəl ağıllı qadın kişilər üçün ikiqat stressdir. Satoşi onu da sübut edib ki, gözəl qızlar eyni zamanda həm də ağıllı olurlar. Sonuncu bir qədər şübhəli araşdırma olsa da nəticə belə olub.