[b]AFFA klubu, baş məşqçini və oyunçunu cəzalandırdı[/b]
23 aprel 2019 12:44 (UTC +04:00)

[b]AFFA klubu, baş məşqçini və oyunçunu cəzalandırdı[/b]

AFFA-nın İntizam Komitəsinin iclası keçirilib.
 
ONA-nın məlumatına görə, yığıncaqda Topaz Premyer Liqasının XXV turunun oyunlarında baş verənlər müzakirə olunub.
 
“Sumqayıt” – “Səbail” matçında qonaqların futbolçusu Tome Kitanovski ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klub 200 manat cərimə olunub.
 
 
“Qarabağ” – “Keşlə” qarşılaşmasında qonaqların baş məşqçisi Tərlan Əhmədov hakimə qarşı kəskin etiraz etdiyinə görə texniki zonadan kənarlaşdırıldığı üçün 1 oyun cəzalanıb, klubunu 800 manat ziyana salıb.
 
“Sabah”la səfər görüşündə 4 futbolçusu sarı vərəqə ilə cəzalanan “Neftçi” 800 manat cərimələnib. Oyunun 56-cı dəqiqəsində “Sabah”ın futbolçusu Novruz Məmmədov ikinci sarı vərəqə alaraq meydançadan kənarlaşdırıldığı üçün 1 matçlıq cəzalanıb, klub 200 manat cərimə olunub.
# 511
avatar

Oxşar yazılar