[b]Avropa Liqasında yarımfinalçılar müəyyənləşib[/b]
19 aprel 2019 00:59 (UTC +04:00)

[b]Avropa Liqasında yarımfinalçılar müəyyənləşib[/b]

 
Avropa Liqasında 1/4 final mərhələsinə yekun vurulub.
 
ONA-nın məlumatına görə, cavab oyunları çərçivəsində 4 matç baş tutub.
 
Mübarizəni davam etdirən hər iki İngiltərə klubu qələbə ilə yarımfinala yüksəlib. “Çelsi” Çexiyada məğlub etdiyi “Slaviya”nı cavab görüşündə də qələbə qazanıb. Yeddi topun vurulduğu qarşılaşmada ilk 27 dəqiqədə 5 qol qeydə alınınb. “Arsenal” isə Londonda olduğu kimi İtaliyada da “Napoli” üzərində qələbəyə sevinib.
Yarımfinala digər iki vəsiqə “Valensiya” və “Ayntraxt”a nəsib olub. Sonuncular Portuqaliyada məğlub olduqları “Benfika”dan revanş ala biliblər. Almaniya klubu vurduğu iki cavabsız qolla yarımfinala yüksəlib. “Yarasalar” isə İspaniya duelində “Vilyarreal”a ikinci dəfə qalib gəlib.
 
Bu oyunlardan sonra yarımfinal cütləri müəyyənləşib. Mayın 2-də və 9-da keçiriləcək mərhələdə “Arsenal” – “Valensiya” və “Ayntraxt” – “Çelsi” cütləri qarşılaşacaq.
 
Qeyd edək ki, Avropa Liqasının 2018/19 mövsümünün final oyunu mayın 29-da Bakı Olimpiya Stadionunda keçiriləcək.
 

Avropa Liqası
1/4 final, cavab oyunları
18 aprel

23:00. “Napoli” (İtaliya) – “Arsenal” (İngiltərə) – 0:1
Qol: Lakazet, 36
Baş hakim: Ovidiu Alin Hateqan (Rumıniya)
Neapol. “San Paolo” stadionu
İlk oyun – 0:2

23:00. “Valensiya” (İspaniya) – “Vilyarreal” (İspaniya) – 2:0
Qollar: Lato, 13, Parexo, 54
Baş hakim: Vilyam Kallum (Şotıandiya)
Valensiya. “Mestalya” stadionu
İlk oyun – 3:1

23:00. “Ayntraxt” (Almaniya) – “Benfika” (Portuqaliya) – 2:0
Qollar: Kostiç, 37, Rode, 67
Baş hakim: Daniele Orsato (İtaliya)
Frankfurt. “Kommersbank Arena”
İlk oyun – 2:4

23:00. “Çelsi” (İngiltərə) – “Slaviya” (Çexiya) – 4:3
Qollar: Pedro, 5, 27, Deli, 9 (avtoqol), Jiru, 17 – Souçek, 26, Şevçik, 51, 54
Baş hakim: Damir Skomina (Sloveniya)
London. “Stemford Bric” stadionu
İlk oyun – 1:0

 

# 986
avatar

Oxşar yazılar