Mayın 27-28-də və 30-da Sankt-Peterburq Dövlət Akademik Mariya Teatrında SSRİ Xalq artisti Arif Məlikovun üçpərdəli “Məhəbbət əfsanəsi” baleti oynanılacaq.
Lent.az –ın məlumatına görə, balet “Bəyaz gecələrin ulduzları” XXVII musiqi festivalı çərçivəsində göstəriləcək. Mayın 27-də baletdə Azərbaycanın Əməkdar artisti Timur Əsgərov iştirak edəcək. Digər iştirakçılar və rollar barədə ətraflı məlumat veriləcək.
“Məhəbbət əfsanəsi” baletinin dünya premyerası 1961-ci il martın 23-də Leninqrad Opera və Balet Teatrında (indiki Sankt-Peterburq Dövlət Akademik Mariya Teatrı) reallaşıb. Gözəl musiqi və parlaq xoreoqrafiya bu baleti daim arzulanan repertuar əsərlərindən birinə çevirib. Əsərin uğurlu olmasının sirri burada hadisələrin yeni quruluşda cərəyan etməsində, baletin dramaturgiyasındadır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
