“Neftçi” və “Səbail” dövrəyə qələbə ilə başlayıblar

Topaz Premyer Liqasında IV dövrə start götürüb.

ONA-nın məlumatına görə, milli komandaların oyunları ilə əlaqədar yaranan fasilə XXII turun ilk görüşləri ilə başa çatıb.

Turun ilk oyun günündə hər iki qarşılaşma Bakıda keçirilib. Mükafatlar uğrunda mübarizə aparan “Səbail” Premyer Liqada qalmaq üçün çalışan “Zirə”nin qonağı olub.

Maykl Essyenin ehtiyatda qaldığı oyunda hesabı “Səbail” açıb. Ağabala Ramazanovun qoluna meydan sahibləri yalnız fasilədən sonra cavab verib. Xulio Sezar Rodriges hesabda tarazlıq yaradıb. Lakin Aftandil Hacıyevin yetirmələri xal itkisindən qaça biliblər. Şəhriyar Rəhimov uzatma dəqiqələrindəki qolu qonaqlara qələbə qazandırıb.

“Zirə”nin məğlubiyyətindən sonra irəliləmək imkanı qazanan “Keşlə” çempionatın lideri “Neftçi” ilə görüşüb. Matç “ASK Arena”da baş tutub.

Qarşılıqlı hücumlarla keçən oyunda hər iki komandanın bir neçə qol imkanı yaratsa da, 79-cu dəqiqəyədək hesab açılmayıb. Final fitinə 11 dəqiqə qalmış Emin Mahmudovun penalti zərbəsi liderə 3 xal gətirib.

Qeyd edək ki, turun digər matçları aprelin 1-də keçiriləcək.

Topaz Premyer Liqası

XXII tur

30 mart (şənbə)

“Zirə” – “Səbail”- 1:2

Qollar: Xulio Sezar Rodriqez, 69 // Ağabala Ramazanov, 41; Şəhriyar Rəhimov, 90+4

Hakimlər: Vüqar Həsənli, Cəmil Quliyev, Elşad Abdullayev, Namiq Bəkirov

Hakim-inspektor: Ramil Diniyev

AFFA nümayəndəsi: Eldəniz Musayev

Zirə İdman Kompleksinin stadionu, 16:00

“Keşlə” – “Neftçi” – 0:1

Qol: Emin Mahmudov, 79 (pen.)

Hakimlər: Əliyar Ağayev, Akif Əmirəli, Rza Məmmədov, Rəşad Əhmədov

Hakim-inspektor: Şahin Cəfərov

AFFA nümayəndəsi: Elbrus Abbasov

“ASK Arena”, 18:30

1	Neftçi	22	14	6	2	37-15	48
2	Qarabağ	21	13	6	2	41-18	45
3	Səbail	22	10	4	8	26-22	34
4	Qəbələ	21	7	8	6	24-23	29
5	Sabah	21	6	4	11	16-30	22
6	Zirə	22	5	7	10	19-30	22
7	Keşlə	22	5	4	13	21-33	19
8	Sumqayıt	21	4	5	12	16-29	17