![[b][/b]Sürücü ürək tutmasından öldü - Goranboyda yol qəzası](https://lent.az/storage/news/2019/march/16/big/2d84008e29c5b2819578caa7c7782342.jpg)
Goranboyda eyni yerdə iki yol-nəqliyyat hadisəsi baş verib.
ONA-nın Mingəçevir bürosunun məlumatına görə, Bakı-Qazax avtomagitralının Goranboy rayonundan keçən hissəsində “VAZ 2106” markalı avtomobil idarəetmədən çıxaraq yol kənarındakı çuxura düşüb.
Nəticədə sürücü, Goranboy rayon Qızılhacılı kənd sakini, 55 yaşlı Məmmədov Rəfael Ələddin oğlu ölüb. İlkin müayinə zamanı sürücünün ürək tutmasından öldüyü məlum olub.
Həmin hadisənin ardınca eyni yerdə “Mercedes” və “Chevrolet” markalı maşınlar toqquşub. Zərbədən avtomobillərdən biri yol kənarındakı dəmir maneyə çırpılıb. Qəza zamanı xəsarət alanların olub-olmaması dəqiqləşdirilir.
Hər iki faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
