![[b]Qəfəsdə saxlanılan qonur ayı təbiətə buraxılacaq - Nazirlik[/b]](https://lent.az/storage/news/2019/february/27/big/e765ab0af70c94fabc3cd9e08b38eebc.jpeg)
Qubada fərdi təsərrüfatlardan birində adı Azərbaycanın “Qırmızı kitab”ına düşən qonur ayının götürülərək vəhşi təbiətə buraxılması istiqamətində Ekologiya və Təbii Sərvətlər Nazirliyi (ETSN) tərəfindən tədbirlər görülür. Bu barədə Lent.az-a ETSN-dən bildirilib.
Verilən məlumata görə, qonur ayı götürülərək baytar həkim tərəfindən müayinə olunacaq, sağlam olduğu təqdirdə vəhşi təbiətə buraxılacaq. Xəbərdə qeyd olunur ki, əgər ayıda hər hansı xəstəlik aşkar edilərsə, o zaman ETSN-nin Altıağac Milli Parkının nəzdində fəaliyyət göstərən Vəhşi Təbiətin Bərpası və Reabilitasiyası Mərkəzinə təhvil veriləcək və reabilitasiya keçdikdən sonra vəhşi təbiətə buraxılacaq.
Qonur ayını saxlayan qanun pozucusu barəsində protokol tərtib edilərək, İnzibati Xətalar Məcəlləsinin müvafiq maddəsinə əsasən cərimə olunacaq.
Nazirlik bildirir ki, belə xətalara yol verən fiziki şəxslər 200 manatdan 500 manatadək, vəzifəli şəxslər 2000 manatdan 2500 manatadək, hüquqi şəxslər isə 5000 manatdan 7500 manatadək cərimə olunur. Belə hallarla rastlaşan hər bir vətəndaşdan Ekologiya və Təbii Sərvətlər Nazirliyinin 168 “Qaynar xətt”inə müraciət etmələri xahiş olunur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
