Dünən İmişli rayonunda ölümlə nəticələnən iki yol-nəqliyyat hadisəsi baş verib. Lent.az xəbər verir ki, rayonun Xoşçobanlı kəndində “Vaz 2106” markalı minik avtomobili “T-80” markalı traktora çırpılıb. Nəticədə avtomobildə olan sərnişinlərdən 62 yaşlı qadın vəfat edib. Daha bir qadın və 3 kişi isə ağır xəsarətlərlə xəstəxanaya çatdırılıb.
Oxşar hadisə rayonun Qaralar kəndində də qeydə alınıb. Şirkətlərdən birinə məxsus olan H 028 731 dövlət qeydiyyat nişanlı “Renault” markalı avtomobil yoldan çıxaraq aşıb. Qarşısına motosikletin çıxması nəticəsində aşan avtomobildə olan şəxslərdən 51 yaşlı kişi vəfat edib. Daha bir kişi və 3 qadın isə xəstəxanaya yerləşdirilib.
Hər iki faktla bağlı cinayət işi açılıb, araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
