Gürcü sülhməramlılar hərbi bazadan oğurluq edib
29 iyul 2018 14:40 (UTC +04:00)

Gürcü sülhməramlılar hərbi bazadan oğurluq edib

ABŞ Silahlı Qüvvələrinin Hərbi Polisi Əfqanıstanda xidmət edən 4 gürcü hərbçisi ilə bağlı istintaqa başlayıb.

 

APA-nın Gürcüstan bürosunun məlumatına görə, gürcü sülhməramlıları “Baqram” hərbi bazasından oğurluq etməkdə şübhəli bilinirlər.

 

Oğurlanmış əşyaların dəyəri 3600 dollar təşkil edir. İstintaq çərçivəsində həyata keçirilmiş axtarış zamanı həmin əşyaların bir hissəsi hərbi bazada tapılıb, bəzilərinin isə Kabul bazarında satıldığı müəyyən olunub.

 

 

Gürcüstanın Müdafiə Nazirliyi faktla bağlı bəyanat yayaraq, hərbi bazada baş vermiş oğurluğu pisləyib. Nazirlik oğurluq faktı üzrə aparılan istintaqda ABŞ tərəfi ilə sıx əməkdaşlıq edir.

# 297
avatar

APA Baycan

Oxşar yazılar