Yay hazırlıq proseslərini davam etdirən klublar yoldaşlıq oyunlarında qüvvələrini sınayırlar.
Apasport.az saytının məlumatına görə, milli komandamızın hücumçusu Ramil Şeydayevin yenidən heyətinə qayıtdığı “Trabzonspor” da növbəti sınaq matçına çıxıb.
Qara dəniz təmsilçisi Xorvatiya klubu “Lokomotiv”lə qarşılaşıb. Qarşılaşma “Trabzonspor”un 1:0 hesablı qələbəsi ilə yekunlaşıb.
Matça ehtiyat oyunçular skamyasında başlayan Ramil 67-ci dəqiqədə hesab 0:0 olarkən Yusuf Yazıcının yerinə oyuna daxil olub. O, 75-ci dəqiqə matçın yeganə qoluna imza ataraq komandasına qələbə qazandırıb.
Qeyd edək ki, U-17 milli komandamızda çıxış etmiş Murat Cem Akpınar da bu görüşün iştirakçısı olub. O, görüşə start heyətində başlayıb və 53-cü dəqiqədə Cafer Tosunla əvəzlənib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
