Rusiyanın Sankt-Peterburq şəhərində inşaat sahəsində miqrantlar arasında kütləvi dava düşüb.
Oxu.Az xəbər verir ki, bu haqda “Fontanka” məlumat yayıb. Şahidlərin sözlərinə görə, fəhlələr bir-birini daş atəşinə tutub, dəyənəklərdən və dəmir armaturlardan istifadə edib.
İlkin məlumata görə, kütləvi davada yüzə yaxın insan iştirak edib. Düşən səs-küydən narahat olan sakinlər polisə şikayət edib. Polis əməkdaşları hadisə yerinə gələndə artıq kütləvi davadan əsər-əlamət qalmayıb.
Sonradan məlum olub ki, davada iştirak etmiş 18 yaşlı Tacikistan vətəndaşı və 37 yaşlı Özbəkistan vətəndaşı ağır bədən xəsarətləri ilə yerli xəstəxanaya daxil olub.
İştirakçılardan 30-u polis bölməsinə gətirilib. Onların 26-ı Özbəkistan, ikisi Tacikistan, biri isə Azərbaycan vətəndaşıdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
