Çempionlar Liqasının final qarşılaşmasında kobud səhvləri ilə yadda qalan “Liverpul”un qolkiperi Loris Karius ölümlə hədələnir.
Lent.az-ın xarici KİV-ə istinadən məlumatına görə, 24 yaşlı qapıçıya sosial şəbəkələr vasitəsi ilə təhdidlər gəlməkdədir. Bəzi ingilis azarkeşlər onu ölümlə hədələyirlər. "Liverpul" fanatlarından biri futbolçuya hətta, Tvitlər vasitəsi ilə “Ümid edirəm, bütün ailən ölər” sözlərini yazıb.
İngilis polisi məsələni nəzarətə götürüb və müvafiq araşdırmalara başlanılıb.
Qeyd edək ki, qarşılaşmadan 24 saat sonra qolkiper özü sosial şəbəkələr vasitəsi ilə ingilis azarkeşlərdən, “Liverpul” cəbhəsindən, bütün komanda yoldaşlarından üzr istəyib.
Final qarşılaşmasında “Real Madrid” –“Liverpul”u 3-1 hesabı ilə məğlub edərək çempion olub. Həmin qarşılşama Loris Karius 1-ci və 3 cü qolda kobud səhvi ilə yadda qalıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
