Xarkovda restoranda baş verən hadisənin bəzi detalları məlum olub. Lent.az-ın Rusiya KİV-ə istinadən məlumatına görə, hadisə Xarkovdakı "Ağdam" restoranının qarşısında baş verib. Gecə saatlarında restorandan çıxan 10 nəfərə gözlənilmədən bir neçə nəfər atəş açıb. Nəticədə onların arasında olan Azərbaycan vətəndaşı başından güllə yarası alıb. Onu xəstəxanaya çatdırsalar da, həyatını xilas etmək mümkün olmayıb. Yaralanan Gürcüstan vətəndaşına isə ilkin tibi yardım göstərildikdən sonra evə buraxılıb.
Məlumata görə, atəş açanlar həyətdəki “Toyota” markalı maşını da gülləylə sıradan çıxarıblar. Onlar silahlarını da hadisə yerində qoyublar.
***