Beynəlxalq Muğam Mərkəzinin təşkilatçılığı ilə “Muğam axşamları” adlı yeni möhtəşəm layihəyə start verir. Lent.az-ın məlumatına görə, layihədə 16 maydan 30 iyunadək Azərbaycan muğamları: Rast, Şur, Segah, Çahargah, Bayatı-Şiraz, Şüştər və Hümayun muğamları tanınmış muğam ifaçıları tərəfindən ifa ediləcək. Layihənin ilk konserti “Rast” muğamının ifası ilə 16 may tarixində saat 19:00-da olacaq. Konsertdə xanəndələr Aqil Məlikov - əməkdar incəsənət xadimi, Sevinc Sarıyeva - əməkdar artist, Ehtiram Hüseynov - Naxçıvan MR-in əməkdar artisti, Mirələm Mirələmov, Aytən Məhərrəmova, Hüseyn Məlikov “Rast” ansamblının müşayiəti ilə muğamın müxtəlif şöbələrini ifa edəcəklər. Ansamblın bədii rəhbəri Xanlar Cəfərovdur.
Layihənin informasiya dəstəyi Azərtac, Mədəniyyət kanalı, Azərbaycan radiosu, “Baku” jurnalı.
Layihə çərçivəsində ilk konsert 16 may saat 19:00-da Beynəlxalq Muğam Mərkəzində keçiriləcək. Biletləri şəhərin kassalarından, Asan xidmət mərkəzlərindən və iticket.az saytından əldə etmək olar.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
