Azərbaycanın Los-Ancelesdəki Baş Konsulluğunun dəstəyi ilə fevralın 11-də ABŞ-ın tanınmış Berkli Universitetinin Musiqi Fakültəsində Azərbaycan muğamı konserti keçirilib. Konsulluqdan Lent.az-a verilən məlumata görə, mahir instrumental sənətkarlar İmamyar Həsənov (kamança), Rüfət Həsənov (tar) və Elşən Qasımovun (nağara) ifa etdikləri “Çahargah”, “Bayatı-Şiraz”, “Mahur”, “Şur”, “Şahnaz”, “Segah” və digər Azərbaycan muğamları tamaşaçılar tərəfindən maraqla qarşılanıb.
Konsertdə Berkli Universitetinin professor və tələbə heyəti, həmçinin bir sıra digər qonşu universitetlərdə çalışan musiqişünaslar və peşəkar musiqiçilər iştirak ediblər.
Qeyd edək ki, sözügedən muğam triosu növbəti gün Stanford Universitetində də geniş konsert proqramı ilə çıxış edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
